عشقت الحب ..
🌇🌇🌇🌇🌇🌇🌇🌇
عشقت الحب فيك
ومهما ادارى عليك
عيونى فضاحه
وان يوم تعبنى هواك
النوم يروح بجفاك
وحياتى رواحه
بفتح عيونى عليك
وشوقى وحنينى اليك
والنظرة وضاحه
يا حياتى روحى فيك
وكلى املى الاقيك
ببساطه وسماحه
فى بعادى انادى عليك
وفى قربى احن اليك
يا حياتى بصراحه
فى بعادك يمر اليوم
مجافى عينى النوم
يا عذابى مرتاحه
وان جاء على يوم
وداقت عينى النوم
يا هنايا سواحه
ما هو انت مالك زى
تسقينى الحب ضى
واغنى صداحه
ويزيدوا على اللوم
وعتابهم عليك ما بلوم
دى الغيرة بصراحه
وحق اللى خلق الكون
وجمع مابيننا بدون
مكان ولا مساحه
بحبك ودايبه دوب
ووصفك ما شابو شوب
يا ملاكى بالراحه .
🌇🌇🌇🌇🌇🌇🌇🌇
بقلمي/منى رشاد .
ليست هناك تعليقات:
إرسال تعليق